Benvidos á Fonsoteca!


Tuesday, 6 January 2009

Ko-llóns!



Hai anécdotas curiosas coas que nos imos atopando pola vida e que as veces resultan graciosas, algunhas especialmente hilarantes. Para ilustrarmos, aquí vai unha escolla de tres casos reais que teñen como denominador común o léxico e a linguaxe.
Por exemplo, isto ocorreu nunha tenda de roupa entre dúas adolescentes mentres se probaban uns "modelitos". Con toda a naturalidade do mundo unha delas espetou: "¡Huy! no sé si me gusta. Es un poco rellamante". Aínda non sei moi ben se o seu obxectivo era chamar a atención ou pasar desapercibida.
Noutro caso -isto xa fora de Galiza- na terraza dun bar a camareira ofreceunos unha escolla de tapas que foi nomeando de corrido e tan lixeiro falaba que un dos pratos pareceu soar a algo exótico: "laconalagallega". Claro, supuxen que o que nos ofrecera viña sendo lacón ao estilo galego e non a cona dunha galega, con perdón.
E xa para rematar, voltando aos centros de ocio e consumo, mentres buscaba un cd nun deses estantes "tan ben organizados" para mostrar música, atopeime co nome dunha banda de hard rock que me deixou abraiado: "Danko Jones". Dan koJones?, os desta banda si que teñen collóns, para dar e tomar! -pensei. Poderían chamarse "Sobran Collóns", iso si que sería verdadeiro hard rock.
Se queredes saber algo máis desta banda tan "cojonuda" podedes escoitar e ollar na súa web: www.dankojones.com

2 comments :

Anonymous said...

danko jones tocou em caldas hai uns anos e já fazia desde o cenário referência explícita ao tema! vê-se que estava avisado :-)
kb

Alfonso Vicente Rey said...

como para non aproveitar o nome