Mamá

Mamá, originalmente cargada por fonsovicente.

Homenaxe a Louise Bourgeois. París, 1911-New York, 2010.

Jorge Barbi. 41º 52’ 59” latitude N/8º 51’ 12” lonxitude O

Galería de fotos da pasada exposición de J. Barbi no Marco de Vigo

Espazo Atlántico 2010

O pasado mes de xaneiro celebrouse en Vigo unha nova cita para a arte contemporánea galega. Nos seus inicios coñecida como Puro Arte e agora rebautizada como Espazo Atlántico. Trátase dunha feira que nace coa intención de consolidarse no circuito nacional e internacional amosando unha boa selección de galerías do noroeste peninsular principalmente. Adopta a liña doutras feiras máis coñecidas no sector como son Arco ou Art Madrid, coa vantaxe de non estar masificada, de tal forma que permite ollar con máis tranquilidade a oferta artística das cincuenta galerías representadas.

Polo visto non difire demasiado da tendencia actual no mercado da arte. Houbo máis presenza de pintura, escultura e fotografía e menos instalacións ou vídeos.

espazo atlántico 24, originalmente cargada por fonsovicente.

Aquí tedes unha breve selección fotográfica: Feira de arte contemporánea de Vigo
[14/01/2010 - 17/01/2010]

XV Bienal de Cerveira

Baixo o lema A cultura do poder ou o poder da cultura, celebrouse este verán a XV edición da Bienal Internacional de Arte de Vila Nova de Cerveira. Un acontecemento con moita tradición no ámbito das artes plásticas, dentro e fóra das fronteiras do país veciño. Para ilustrarmos, aquí tedes unha breve selección de fotos tiradas nos pavillóns da sede principal na vila cerveirense.

Francis Bacon no Museo del Prado

O pasado venres 17 de abril achegueime a Madrid para poder contemplar unha excelente exposición retrospectiva sobre a obra de Francis Bacon. Un total de 62 pinturas e obxectos de arquivo que se agrupaban seguindo unha orde cronolóxica e temática nas novas instalacións que amplían o Prado. Pagou a pena agardar na cola e soportar o frío case invernal que fixo esa mañá. Para mostra algunha foto, unha "clandestina" do interior e o folleto informativo da exposición. Describir con palabras algo que chega polos ollos é perda de tempo, pero foi unha das mellores exposicións de pintura que teño visto.

Estampa 08

Entre o 29 de outubro e o 2 de novembro celebrouse en Madrid a "16 Edición da Feira Internacional de Arte Múltiple Contemporánea", máis coñecida como "Estampa". As novas instalacións no recinto feiral Juan Carlos I (IFEMA), acolleron unha ampla variedade de obra gráfica, fotografía, escultura, vídeo e outras manifestacións artísticas relacionadas co gravado e a arte múltiple en xeral. Aquí mostro algunhas imaxes tomadas na feira o xoves 30 de outubro incluídas no meu álbum.