San Andrés

Cando o pasado 6 de maio, Andrés Iniesta golpeou a pelota no derradeiro e único tiro entre os tres paus que o Barça fixo en todo o partido, o estadio de Stamford Bridge enmudeceu. Andrés Iniesta, "San Andrés", proxectou coa súa bota o desexo de milleiros de seareiros que nese momento empurraban coa ollada e o alento o esférico de coiro hacia o fondo da rede. 

E algún inglés berrou: Oh My God!, I can´t believe it!

Francis Bacon no Museo del Prado

O pasado venres 17 de abril achegueime a Madrid para poder contemplar unha excelente exposición retrospectiva sobre a obra de Francis Bacon. Un total de 62 pinturas e obxectos de arquivo que se agrupaban seguindo unha orde cronolóxica e temática nas novas instalacións que amplían o Prado. Pagou a pena agardar na cola e soportar o frío case invernal que fixo esa mañá. Para mostra algunha foto, unha "clandestina" do interior e o folleto informativo da exposición. Describir con palabras algo que chega polos ollos é perda de tempo, pero foi unha das mellores exposicións de pintura que teño visto.

Chafariz en "La Puerta de Zamora"

As formas do chafariz na fonte de La Puerta de Zamora, en Salamanca.

Tardiña en Ponte de Lima

Paseando polas rúas e xardíns de Ponte de Lima unha tardiña soleada de domingo. Un pracer para quen guste da tranquilidade. Podedes ollar algúns dos encantos desta fermosa vila que pasa por ser a máis antiga de Portugal, nesta pequena mostra.

Primavera

O zume renovado dos vexetais fai agromar as cores nas súas pólas espidas. O preludio dos nacementos, da luz e a calor, da beleza e as paixóns. Cambios, metamorfose insaciábel que ocultaba o inverno. Non é primavera porque o dicten os publicistas nin as multinacionais; é primavera porque flúe no noso interior unha nova ollada coa que afrontar a vida.

Entroido 2009

Aquí tedes unha pequena reportaxe do pasado Entroido vivido en Goián entre o 22 e o 24 de febreiro. Para os que o disfrutaron e para os curiosos que non o disfrutaron aquí vai unha escolla fotográfica.

"Quilombo electoral"

Agora que se nos convoca ás urnas o próximo día 1 de marzo, convén tomar nota dos aspectos que caracterizan aos "estilos políticos" duns e doutros aspirates ao poder. Hai que reflexionar sobre o valor do noso voto, sobre a trascendencia que conlevan os resultados electorais, porque catro anos son moitos anos para facer e desfacer e as persoas un débil instrumento en mans do poder. Reflexionemos, pois, e tomemos nota de como queremos construir a sociedade na que nos tocou vivir. Como curiosidade, eu reflexionaría sobre certos aspectos do sistema democrático que inda hoxe están sen depurar. Paga a pena ollar esta interesante reportaxe que trata sobre o fraude electoral co voto dos galegos na diáspora. O chamado "quilombo electoral".

"El Messías"

É o auténtico "crack" do fútbol nestes momentos. Lionel Messi, alias "El Messías", cos seus electrizantes movementos desborda todas as defensas rivais, as súas accións convulsionan o xogo e as tácticas máis defensivas semellan un castelo de naipes aos seus pes. Este arxentino de 22 anos promete moita arte sobre o céspede. Ollade a súa web.